Presentación de ‘Cadernos persoais’ [Lois Pereiro]

Para marcar o 25 aniversario do pasamento de Lois Pereiro, o 24 de maio de 1996, preséntanse os seus Cadernos persoais. No acto participarán os irmáns de Lois, Xosé Manuel e Inés Pereiro, Antón Lopo, Héctor Cajaraville e Xosé Rodríguez Díaz.

Un conxunto de cadernos inéditos, con edición e notas de Héctor Cajaraville, que neste 2021 publica a editorial Chan da Pólvora.

Os textos, cedidos pola familia, están extraídos de cinco blocs escritos polo autor entre os anos 1989 e 1993, ademais da transcrición dunha axenda de 1996 que contén apuntamentos realizados nos derradeiros meses da vida de Lois.

Os Cadernos “nos descubren novas perspectivas do seu proceso creativo e nos devolven a atmosfera fascinante dun poeta que atopou nas ondulacións da mente a palabra exacta da poesía”.

Entrada libre, previa reserva no teléfono 648 435 033 (por WhatsApp preferentemente).