Cinema e conversaCursos e talleresDifusión cultural

FanCine de Lemos no Ateneo

Un ano máis, o Ateneo Casino é un dos sedes do FanCine de Lemos. O festival celebra do 6 ao 10 de xullo a súa oitava edición, este ano centrada na relación entre o cine e os videoxogos. Unha espectacular programación concentrada en 5 días, e todo completamente de balde.

No marco do FanCine, o Ateneo acollerá unha exposición, proxeccións e talleres do festival. Continúa a ler para coñecer os detalles de cada evento no Ateneo.

Tamén podes consultar a programación ao completo na web do Fancine.

 

6-10 xullo / EXPOSICIÓN CINEMA E VIDEOXOGOS

Explora a relación entre o cine e os videoxogos grazas á exposición interactiva que chega ao Ateneo da man do Museo do Videoxogo.

Unha instalación única con máis de 20 pezas de hoxe e sempre, coas que persoas de tódalas idades poderán experimentar, gozar e debater.

Visítaa no Ateneo Casino ao longo do FanCine. Ademais, o mércores 6 ás 20:30, acolleremos unha mesa redonda coa participación de dous grandes, Carlos Pereiro da Revista Morcego e Felipe R. (Uroloki).

 

Mércores 6 ás 22:00 / OS CATRO MALDITOS: MOSTRA DE CURTAS MEXICANAS

México, toda unha referencia no cine de terror, é o país convidado do FanCine de Lemos 2022.

Tras colleitar premios en decenas de festivais de todo o mundo, chegan a Lemos en formato curtametraxe as obras dos ‘Catro Malditos’: Carlos Matienzo, Juan Medina, Carlos Meléndez e Marcos Muñoz.

Catro curtas nunha única e arrepiante sesión para catar as novas voces do terror mexicano.

 

Xoves 7 ás 12:00 / ARQUITECTURA PARA MUNDOS DE FANTASÍA

See also
Sara Álvarez Cubelos, arquitecta e artista ambiental en Hexworks, falará de como adaptar os coñecementos sobre arquitectura ao desenvolvemento de escenarios nun videoxogo.
  • Cales son as diferenzas entre a recreación histórica e a creación de mundos fantásticos habitados por seres mitolóxicos?
  • Cales son os diferentes perfís necesarios para crear un videoxogo?
  • Como cambia traballar nun proxecto indie fronte ao traballo nun xogo AA?
Son algunhas das preguntas que responderá o xoves no Ateneo. Se tes interese no desenvolvemento de videoxogos, non dubides en vir!
Para asistir, é preferible reservar no email contacto@fancinedelemos.com.

 

Venres 8 ás 11:30 / APROXIMACIÓN AO DESENVOLVEMENTO DE VIDEOXOGOS A TRAVÉS DE GAMEBOY

Marabíllanos contar con Camilo López e Diego Vázquez de Gato Studio, empresa coruñesa creadora do ambicioso videoxogo ‘The Waylanders‘, unha superprodución de proxección internacional, inspirada na mitoloxía celta.

Camilo e Diego van impartir unha aproximación ao desenvolvemento de videoxogos a través de gameboy.

Para asistir, é preferible reservar no email 📧contacto@fancinedelemos.com.

Detalles do masterclass 

Por que nos interesa desenvolver para Game Boy podendo facelos para móbil, para PC ou calquera outra consola actual?
Cada persoa terá os seus motivos concretos. Xa sexa por nostalxia, por ser fan da plataforma en concreto ou simplemente por moda. Pero o máis importante para nós son o seu formato e sobre todo as súas limitacións.
GB Studio permítennos enfocarnos no importante e ensínannos a sortear os límites que nos atopemos polo camiño. Porque por moi potente que sexa a túa plataforma sempre vai ter límites. E o teu como desenvolvedor@ tes que facer algo divertido cos recursos ao teu alcance. Niso consiste o desenvolvemento de videoxogos.

Cremos na Cultura como eixo vertebrador comunitario. Queremos levar o Casino ao século XXI converténdoo nun centro cultural de referencia en Monforte e a Terra de Lemos. Ofrecemos actividades ao redor das artes, a ciencia e a cultura en xeral. A nosa filosofía está atravesada pola transversalidade, a pluralidade e a integración.

ola@ateneocasino.gal

+34 648 43 50 33